11‏/09‏/2006

تـــرنــيــمــة لــشـــهــــداء مــحـــرقـــة بــنــي ســـــــويـــــــف


على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟
بشكيك يا موج البحر يا قاسي يا واخد مني أهلي وناسي يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

بكتب رسايل واقرا رسايل ودمع عيني عالخد سايل يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

ايه آخرة حزني ولا سكوتي؟ ده وزير الصحة ولا الحانوتي؟ يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

مش كل حاجة واخدينها قوة ده وزير داخلية ولا الفتوة؟ يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

انا داخل مسرح ولا قرافة؟ ما يرد علي وزير الثقافة يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

لا انا عايز شفقة ولا عطف عايز عايز أحاكم سيدي المحافظ يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟

على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟
عايش غريبا ميت غريبا يا ظالم يومك قرب قريبا يا ترى فاكرينا ولا نسيتونا؟

على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟
ملايين مدبوحة جوه البيوتي ملعون يا خوفي ملعون سكوتي غير المقاومة ما ليا لونة

على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟
على ده العونة على ده العونة الفرقة صعبة وحتوحشونا يا ترى فاكرينا ولا نسيتونا؟
من أغاني الجــــــوالـــــة والإضافات لــخـــــالــــــد الصــــــَّــــاوي

2 Comments:

Anonymous غير معرف said...

بجد بجد كلمات جميله
اشكرك اللى كتب الكلمات الرائعه دى
وننتظر المزيد والمزيد ربنا معاكم
اختكم العبده الفقيره نونااااااا

24/8/08 12:27 ص  
Anonymous غير معرف said...

بجد بجد كلمات جميله
اشكرك اللى كتب الكلمات الرائعه دى
وننتظر المزيد والمزيد ربنا معاكم
اختكم العبده الفقيره نونااااااا

24/8/08 12:27 ص  

إرسال تعليق

Links to this post:

إنشاء رابط

<< Home